Ҳаёт йўли бошланишида жуда ёпиқ шахс бўлган Абрамович жуда тез қиёфасини кескин ўзгартирди. Бунда нафақат Россия сиёсатидаги ўзгаришлар, балки Дарья Жукованинг ҳам ҳиссаси бор, деб ёзади Forbes.
Роман Абрамович 90 йилларнинг охири ва 2000 йилларнинг бошида корпоратив ҳаёт рамзига айланган эди. Деярли ҳар бир йирик можаро ортида унинг шахси соясини топишга уринишар эди. Аниқроғи дастлаб бу соянинг икки боши бор эди, кейинроқ у тўлиқ ажралиб кетди. Унинг Борис Берёзовский номли бир шарпаси сиёсат гирдобига тушиб, четга чиқарилди, иккинчиси эса аксинча улкан бизнес-империяга қўшилиб кетди.
Сиёсий ландшафт ўзгариб бориши билан нафақат нуфузли бўлиш, балки шундай кўриниш ҳам хавфли бўлиб борди. Абрамович ўз шахсини бутунлай қайта шакллантириш бўйича ёрқин тажриба ўтказди. Бунинг муваффақиятига кўпчилик, ҳатто бизнесмен жамоасидагилар ҳам ишонмади, унинг бир қатор ҳаракатлари жиннилик, ғалати инжиқлик сифатида қабул қилинди. Бироқ балки ички сезги, балки ишониш қийин бўлган мураккаб ҳисоб-китоб натижани таъминлади. Бу ўзгаришларда Дарья Жукова ҳам муносиб рол ўйнади.
Ўзини қайта шакллантиришни атроф-муҳитни қайта шакллантиришдан ажратиб бўлмайди. Абрамович шахсий ребрендингида биринчи босқич — унинг Чукотка тарихи бўлди. Бу кескин бурилиш дастлаб истеҳзо билан, навбатдаги этник латифа даражасида қабул қилинди. Бироқ нисбатан қисқа вақт ичида ҳудудда кескин ўзгаришлар юз берди, бу эса унинг раҳбари қиёфасига биринчи ўзгаришларни киритди. Нафақат Анадир, балки узоқ посёлкаларда ҳам фаол қурилиш ишлари юритилиб, ишлаб чиқариш корхоналари очилди.
Чукотка замонавийлаша бошлади. Янги бўялган бинолар фонида белугалар сувни шалоплатар, ёрқин, тўқ сариқ вертолётлар эса буғучилар яйловлари ва газ конлари қувурлари устидан учиб ўта бошлади. Абрамович бизнесмендан кўра катта экзотик ҳудуднинг ижтимоий новаторига айланди.
Бироқ Чукотка шуҳрат келтирувчи лойиҳа сифатида Россиянинг ички истеъмол маҳсулоти эди. «Челси»ни харид қилиш эса глобал даражадаги имидж учун талабнома бўлди. Россияда ушбу битим танқидлар бўронини келтириб чиқарди. Бироқ бу салбий қарашларга Чукотка кейси қарама-қарши қўйилди. Футбол клуби бонус сифатида, ғарб истеблишментининг ёпиқ пулига кириш сифатида қабул қилина бошлади.
Қўлига арзон соат таққан саратовлик етим йигит ва Лондон футбол клубининг эгаси, глобал даражадаги бизнес-ўйинчи образлари ўртасидаги кескин фарқ Абрамовични афсонавий персонажга айлантирди. Бироқ ана шундай қаҳрамон учун ўзига хос турмуш ўртоқ, глобал алоқаларни ривожлантириш учун шерик керак эди. Абрамович — жаҳон футболи, Дарья Жукова — замонавий санъат — бундай стратегия учун бу оптимал уйғунлик бўлди.
Стадионлар ложаси каби замонавий санъат ҳам (инвестициялар ва кўргазмаларни ташкил этиш даражасида) алоқалар учун майдонлар яратади, ўзига хос ижтимоий кодировка ишлаб чиқади. Жукова билан муносабатлар Абрамович қиёфаси глобаллашувининг янада яхшиланишини давом эттирди. Оз вақт ичида Жукова иккинчи фигура бўлиб кўринмасдан, ўз партиясини юритди ва энди Абрамович ўз эстетик апгрейди билан боғлиқ масалаларда унинг ортидан эргаша бошлади. Жукованинг Америка элитаси, жумладан, Трамп оиласи билан алоқалари ва бу алоқалардан лоббистик мақсадларда фойдаланиш имконияти ҳақидаги охирги маълумотлар яратилган композициянинг самарасидан гувоҳлик беради.
«Челси» харид қилинганидан ва Россия активларининг асосий қисми сотилганидан бир неча йил ўтиб Абрамович қиёфаси глобал аристократлар хроникаси бойлигига айланади.
Нисбатан қисқа давр ичида бутунлай қайта шаклланиш якунига етади: Абрамович глобал саҳнага чиқиб, ошкоралик оламида ғойиб бўлди.
Абрамовичнинг қиёфаси Дарья Жуковасиз хиралашиб қоладими? Бу саволда маъно йўқ. Қаҳрамоннинг ўзи артефактга айланиб бўлди, санъатда эса кўргазмали образ аллақачон зарур атрибут ҳисобланмайди. Суратни турлича талқин қилиш мумкин, улардан ҳеч бири ҳақиқат ёки ёлғон бўлмайди. Абрамовичнинг бизнес бўйича эски шерикларидан ҳаммаси ҳам бундай метафизик ўзгариш билан мақтана олмайди.
Изоҳ (0)