Consumer Reports нашри Chevrolet’нинг 2016 йилда намойиш этилган Bolt хэтчбекига тегишли синов натижаларини эълон қилди. Ушбу модель нашр тарихидаги энг узоққа юрувчи электромобил дея топилди, у ҳатто Tesla’нинг иккида моделини ортда қолдирди, деб хабар берди «Мотор».
АҚШ атроф-муҳитни ҳимоя қилиш агентлиги (EPA) натижаларига кўра, моделнинг электр захираси 383 километрга етади. Аммо CR мутахассислари қувватлантиришсиз 402 километр масофани босиб ўтишга муваффақ бўлди.
Tesla Model S’нинг 75D модификацияси эса 378 километрни босиб ўта олади, EPA маълумотларига кўра, унинг захира ҳаракатланиш қуввати 416 километрга тенг. Шунингдек, Bolt Model S’нинг кўрсаткичларидан пастроқ бўлган Model X 90D кроссоверини ҳам ортда қолдирди.
Consumer Reportsнинг тахминларига кўра, Tesla Model S ёки Model X қуввати оширилган батареялари билан Chevrolet Bolt’дан ўтиб кетиши мумкин. Бироқ уларнинг нархи 100 минг доллардан ортиқ туради, Bolt’нинг нархи эса 37,5 минг доллардан бошланади.
Chevrolet Bolt 200 кучга эга электромотор ҳамда 60 киловатт-соат сиғимли литий батареялари билан жиҳозланган. Машина 100 километр/соат тезликка етти сонияда эришади. Унинг электр захираси 320 километр. АҚШда Bolt 2016 йилнинг энг яхши автомобиль дея топилган.
Изоҳ (0)