Индонезиянинг Lion Air авиакомпанияси ва унинг A Wings номли шуъбасига тегишли самолётларининг қанотлари учиш-қўниш йўлаги бир-бирига тегиб кетди. Бу ҳақда «РИА Новости» хабар бермоқда.
Ҳодиса Суматра шимолидаги Медан шаҳрининг Куаланаму халқаро аэропортида юз берган.
Lion Air’нинг Boeing 737 лайнери қўнаётган учиш-қўниш йўлаги бошида A Wings’га тегишли ATR-74 парвозга тайёргарлик кўраётган бўлган.
Boeing ёндош йўлакка бурилмоқчи бўлган вақти, қаноти билан ATR-74’нинг ўнг қанотини туртиб юборган. Ҳар иккала самолётга зарар етган, бироқ йўловчилар жабрланмаган.
Тўқнашув сабаб аэропортнинг иш фаолияти 20 дақиқага тўхтаб қолган.
Straits Times газетасининг қайд этишича, бюджет авиациясининг жадал ривожланиб, лоукостер-авиакомпаниялар рейслари сони кўпайиб бораётгани сабаб, Индонезия аэропортларига тушаётган юклама ҳажми бир неча бор ошиб кетган.
2017 йил давомида Индонезия диспетчерлари жўнатилаётган ва қабул қилинаётган рейслар сони кўпайиб кетган вақтларда самолётлар тўқнашуви эҳтимоли кескин ошгани ҳақида бир неча бор огоҳлантирган.
Изоҳ (0)