GlobalData тадқиқот фирмаси ZTE копорациясининг (Хитой) юқори тезликда ишлайдиган ZXCTN 609 ечимини тармоқ тақсимоти ва 100G уланиш бўйича ўзига хос янгилик деб эътироф этди.
ZXCTN 609 ZTE копорацияси томонидан ишлаб чиқилган 5G Flexhaul ечимининг бир қисми бўлиб, трафикни интеграциялаштирган ҳолда тўғридан-тўғри, оралиқ ва тескари узатиш ва талабга мувофиқ мослаштирилган ҳолда кенгайтириш имкониятига эга FlexЕ (мослашувчан тармоқ) технологияси билан жиҳозланган. «ZXCTN 609 тескари алмашинув тармоғида тармоқ кесимининг эквиваленти вазифасини бажаради», — деб ёзган ўз ҳисоботида GlobalData тадқиқот фирмасининг бош таҳлилчиси Глен Хант.
«ZXCTN 609 алоҳида бўлинмаларни (тунеллар) ўз ичига олган ва уларнинг ҳар бири паст, юқори тезликдаги ва мослашувчан уланиш учун 5G талабларига жавоб берадиган мустақил хусусиятларга эгадир, — дейди жаноб Хант. — ZXCTN 609 маълумотларни 5G тезлигида узатиш учун 100G каналларини қўллаб-қувватлаш мақсадида корпорациянинг Flexhaul технологияларини кенгайтиради, қайта уланиш ва SDN бошқарув тизимларини ҳимоя қилади.
«Мослашувчанлик» ўзига хос хусусият ҳисобланади. Негаки, FlexЕ бир-биридан мутлақо фарқ қиладиган транспорт талабларга эга кенгайтирилган кенг полосали мобил алоқа (эМББ), машина туридаги оммавий телекоммуникация (mMTC) ва ишончли алоқа (uRLLS) каби иловалар учун хизмат кўрсатиш хусусиятига эгадир. Янги маҳсулот корпорацияга тобора ривожланиб бораётган 5G инфратузилма бозорида ўз ўрнини мустаҳкамлаш имконини беради».
Глент Хантнинг сўзларига кўра, 5G-хизматлар маълумотларини юқори тезликда узатиш операторлардан 100G+ технологиясини фойдаланиш имконияти даражасида кенгайтириш ва хизмат кўрсатувчилар тармоғини кенгайтиришни талаб этади.
«ZTE ўзининг самарали оптик-транспорт платформаларини таклиф этиб, телекоммуникация технологиялари ва дастурий таъминот бозорида иштирокини сезиларли даражада кенгайтирди, тармоқларни (NBFi ва vЕPC) виртуаллаштириш технологиялари ва тармоқ форумларида ўз ўрнини мустаҳкамламоқда ва пешқадамлик қилмоқда», — деди Хант.
Бош қароргоҳи Лондонда жойлашган GlobalData етакчи тадқиқот компанияси технологиялар, телекоммуникациялар ва рақамли саноат тўғрисида ахборотни тақдим этади. GlobalData Current Analysis таҳлилий компаниясининг асосий компанияси ҳисобланади.
Реклама ҳуқуқи асосида!
Изоҳ (0)