Бирлашган Араб амирликларида дунёдаги энг оғир аёл ҳисобланадиган Имон Аҳмад Абдулатининг вазнини камайтириш бўйича қайта операция ўтказилди. Бу ҳақда UAE Inside хабар бермоқда.
500 килограммга яқин тош босадиган Мисрлик аёл дастлаб Ҳиндистонда, Мумбайда муваффақиятли операция қилинган ва вазнининг катта қисмидан халос бўлганди. Бироқ ҳинд шифокорлари мижозни даволаш ва реабилитация жараёнини давом эттира олмади, шу сабабли қайта операцияга эҳтиёж туғилди.
Burjeel Hospital касалхонаси мутахассислари Имонга янги ҳаёт бахш этди. Тўшакка михланган ва ўзини тутиш имконига эга бўлмаган аёл энди ўтириши мумкин, уч йил аввалги инсультдан сўнг илк бор нутқи тикланмоқда.
«Имоннинг қанчалик ўзгарганини тасаввур этиш ҳам қийин. Унинг яқинлари билан мулоқот қилиш имконига эга бўлгани оиласи учун катта бахт бўлди. Онаси ва қариндоши Имонни дастлаб ҳатто танимади ҳам», — дейди ВПС раиси ва бошқарувчи директори доктор Шамшир Вайлил.
Изоҳ (0)