Овқатга тўймаётганлигингизнинг 4 белгиси

Хушбичимликнинг орқасидан қувиш соғлиқ билан боғлиқ жиддий муаммоларга олиб келиши мумкин. Агар сиз ўзингизда қуйидаги аломатлардан қайсиларинидир сезиб қолсангиз, тезликда ўз овқатланиш рационингизни бошқатдан кўриб чиқинг.

1. Ҳолдан тойиш

Кўпчилик одамларда ҳаракатсизлик ҳолатида метаболизм тезлиги бир кунда 1000 ккал ни ташкил қилади. Агар сиз спорт билан шуғуллансангиз бу тезликни камида икки баравар ошириш керак.

Тўйиб овқатланмаслик тез чарчашга олиб келиши мумкин, чунки организмга энг асосий фаолиятни тутиб туришдан ташқари бошқа нарсалар учун энергия етмай қолади.

2. Сочларнинг тўкилиши

Суткалик калория меъёрининг кам бўлиб қолиши, шунингдек оқсил, темир, биотин ва бошқа витаминларнинг етишмаслиги сочларнинг ҳаддан ташқари кўп тўкилишига олиб келади.

Организм озуқа моддаларини ўзига керакли миқдорда олмаётган бўлса, у биринчи навбатда энг муҳим аъзолар: юрак ва мия фаолиятини ушлаб туришга ҳаракат қилади. Сочларнинг саломатлиги эса унчалик аҳамиятли ҳисобланмайдиган иккинчи даражали ўринга сурилади.

3. Ҳомиладор бўлолмаслик

Гипофиз ва гипоталамус бир-бири билан жуда яқин алоқада фаолият юритади ва кўпчилик аъзоларнинг, шу жумладан репродуктив аъзоларнинг ҳам гормонал мувозанати учун жавоб беради. Гипоталамус танадан сигналлар олади ва улар асосида гипофизни эстроген, прогестерон ва бошқа гормонларни рағбатлантириш ёки қийнашга қачон мажбур қилишни белгилайди.

Тадқиқотларнинг кўрсатишича, бу мураккаб тизим вазн ва овқат миқдорининг ўзгаришларига жуда сезувчан бўлар экан.

Жинсий гормонларнинг мувозанатисиз ҳомиладор бўлишнинг имконияти йўқ. Организм репродуктив фаолиятининг гормонал бузилишининг биринчи белгиси аменорея — уч ва ундан ортиқ ой давомида ҳайз кўрмаслик ҳисобланади.

4. Сержаҳллик

Агар сиз ҳар қандай майда-чуйдаларга ҳам аччиқланаётган бўлсангиз, овқатланишингизга эътибор беришингиз лозим.

Тадқиқотлар натижаларига кўра, узоқ вақт давомида овқатга тўймасликнинг ножўя таъсирларидан бири сержаҳллик эканлиги аниқланди.

Узоқ вақт оч юриш ва билиб туриб ўзини овқатдан тийиш асабийликка ва кайфиятнинг кескин ўзгаришларига олиб келиши мумкин.

Манба: Rambler