Японияда 70 ёшли аёл Чисако Какейи турмуш ўртоғи ва икки жазманини ўлдирганликда айбланмоқда, шунингдек, яна уч нафар эрини ўлдирганликда гумон қилинмоқда. Суд мажлисида у охирги эрини заҳарлаганини тан олди, деб ёзади Meduza.
Чисако Какейи 10 июль куни биринчи марта суд қаршисида намоён бўлди. Суд иши бошланишидан аввал аёл барча ваколатларини ўз адвокатларига беришини айтган эди, аммо суд мажлисида у охирги эрини ўлдирганлигини дарҳол тан олди. Чисако, гўёки, буни эри билан молиявий келишмовчиликлар туфайли амалга оширган. Аёл унинг овқатига цианид сепиб қўйган, заҳарни эса бизнес бўйича собиқ етказиб берувчисидан олган. Аммо кейинроқ Чисако судда қотилликни тан олганини эслай олмаслигини айтди.
Япониялик аёлнинг аввалги алоқалари ҳам шу тарзда якун топган: у танишув сайтларидан ёлғиз ва бой кекса бева эркакларни топган, уларнинг ишончига кириб, турмушга чиққан, сўнг уларни заҳарлаган.
Какейи ва унинг адвокатлари таъкидлашича, аёлда қарилик туфайли ақли заифлик юзага келган. Буни айбловчи томон ҳам эътироф этмоқда. Аммо унинг хулосасига кўра, аёл судда қатнаша олади. Чисако Какейининг иши бўйича суд октябргача давом этади, ўз ҳукмини эса суд шу йилнинг ноябрида чиқаради.
Изоҳ (0)