5 июль куни Юқори Чирчиқ тумани ИИБга ушбу туманда яшовчи, «Ўзбекистон темир йўллари» бошқармасининг етакчи муҳандиси Азиз Комилов (исмлар ўзгартирилган) ариза билан мурожаат қилиб, жорий йилнинг 2 июль кунига ўтар кечаси номаълум шахс ҳеч ким йўқлигидан фойдаланиб уйи олдида қаровсиз қолган ўзига тегишли Cobalt русумли автоуловидан умумий нархи тахминан 5 миллион сўм бўлган 4 та ғилдирагини дисклари билан ечиб, ўғирлаб кетганлигини маълум қилган, деб хабар берди Тошкент вилояти ИИБ матбуот хизмати.
Олиб борилган тезкор чора-тадбирлар натижасида ушбу жиноятни Зангиота туманида яшовчи, вақтинча ишсиз, 1991 йилда туғилган О. Т ва Тошкент шаҳри Олмазор туманида яшовчи, вақтинча ишсиз, 1990 йилда туғилган Р. М. содир этганлиги аниқланиб, қўлга олинди.
Уларга нисбатан Ўзбекистон Республикаси Жиноят Кодексининг тегишли моддалари билан жиноят иши қўзғатилди.
Изоҳ (0)