Японияда Кюсю оролидаги кучли жала оқибатида рўй берган тошқинлар қурбонлари сони 18 кишига етди. Яна 14 киши жароҳатланди. Бу ҳақда «РБК» хабар бермоқда.
Олдинроқ табиий офат оқибатида 16 киши ўлгани билдирилганди.
Қутқарувчилар Фукуока префектурасини Асакура шаҳрида ҳалок бўлган уч кишининг жасадини аниқлади.
NHK агентлигига кўра, 570 дан ортиқ одам ҳозиргача ташқи дунёдан узилиб қолган. Эвакуация марказларида 1,8 мингдан ошиқ киши қолмоқда.
Эслатиб ўтамиз, олдинроқ Ўзбекистон Президенти Шавкат Мирзиёев табиий офат муносабати билан Япония бош вазири Синдзо Абэга ҳамдардлик билдиргани маълум қилинганди.
Изоҳ (0)