Сурия қуролли мухолифати, хусусан, «шимолий» ҳамда «жанубий» фронтларнинг вакиллари Остонадаги музокараларнинг иккинчи кунида иштирок этмоқда. Бу ҳақда Қозоғистон Ташқи ишлар вазирлигининг матбуот хизмати раҳбари Анвар Жайнаков маълум қилди, деб хабар берди «ТАСС».
Жайнаковнинг сўзларига кўра, мухолифат ялпи мажлисда иштирок этади. «Ялпи мажлисда музокаралар жараёнидаги барча иштирокчилар қатнашиши кутилмоқда», — дейди дипломат.
Жайнаков ялпи мажлис маҳаллий вақт билан соат 16:00 да бўлишини қўшимча қилди.
Музокаралар бошланди, айни вақтда икки томонлама, хусусан, Россия ва Туркия вакиллари ўртасида музокаралар бўлиб ўтмоқда. Уларнинг асосий мавзуси — бу Суриядаги деескалация зоналарининг чегарасини аниқлаш, — деди Жайнаков.
Ялпи мажлис якунида иштирокчилар деескалация зоналарини белгилаш ва улар устидан назорат қилиш бўйича ҳужжатни қабул қилишлари керак.
Изоҳ (0)