Яккасарой туманида фоҳишахона сақлаган аёл қўлга олинди

Яккасарой тумани ҳудудида фоҳишахона сақлаган аёл қўлга олинди. Бу ҳақда Тошкент шаҳар Ички ишлар бош бошқармаси матбуот хизмати хабар берди.

2017 йилнинг 23 июнь куни, тахминан, соат 20:10 ларда, ўтказилган тезкор тадбир давомида, Раҳмонбердиева Мафтуна Атамурадовна, Яккасарой тумани ҳудудида жойлашган хонадонда фоҳишахона сақлаб, 250 000 сўм пул эвазига фуқаро «А» ва «Г» ларга жинсий алоқа қилишлари учун шароит яратиб берганлиги аниқланган.

Мазкур ҳолат юзасидан Яккасарой тумани ИИБ ҳузуридаги Тергов бўлими томонидан Ўзбекистон Республикаси ЖКнинг 131 моддаси 2 қисми (фоҳишахона сақлаш) аломатлари билан жиноят иш қўзғатилган.

Ҳозирда дастлабки тергов ҳаракатлари давом эттирилмоқда.