Қирғизистон пойтахти Бишкекда Марказий Осиёдаги энг катта масжид қурилиши якунланди, деб ёзади «AA.com.tr». Қурилиш ишлари Туркиянинг Диний жамғармаси кўмагида олиб борилди.
Усмонийлар империяси даври меъморчилиги услубидаги масжид Бишкекда 2012 йилда барпо этила бошлаган.
Масжиднинг ёпиқ қисми майдони 7,5 минг квадрат метрни ташкил қилади. Масжид ичкарисида бир вақтнинг ўзида 6 минг нафаргача одам намоз ўқиши мумкин.
Масжид мажмуаси 500 та автомобиль сиғадиган тураргоҳни, Қуръон ўқиш курсларини ташкил қилиш учун хоналар, анжуманлар зали, емакхона ва фавворани ўз ичига олади.
Масжид Анқарадаги Ҳожатепа туманида жойлашган масжидга ўхшатиб қурилган.
Қурилиш раҳбари Муса Демиржи агентликка маълум қилишича, бинокорлик ишлари якунлаган, айни пайтда ҳудудни ободонлаштириш ишлари қолган, холос. Унинг сўзларига кўра, масжиднинг 70 метрли икки минораси ва иккита кириш эшиги бор.
Изоҳ (0)