Екатеринбургда ўзбекистонлик таксичи мобил дастур орқали нақд пулсиз ҳисоб-китоб қилган икки йўловчини ҳамкасблари билан биргаликда дўппослаб, хизмат ҳақини тўлаб қўйишни талаб қилди, деб ёзади «1news.uz».
Эркак мобил дастур орқали тўлов амалга ошириш мумкинлигини билмаган ва мижозларни ўз манзилига етказиб қўйишдан бош тортган. Йўловчилар эса уларнинг ҳисобидан пул ечиб олинганини таъкидлаб, манзилига олиб бориб қўйишни сўраб туриб олган.
Сўнг ҳайдовчи ўз ҳамкасбларини чақириб, йўловчиларни биргаликда дўппослаган. Шундан кейин йўловчилар ҳодиса акс этган видеони полицияга кўрсатган, йўл ҳақини тўлаганлигини ҳам исботлаган.
Энди ушбу 456 рублни ҳайдовчи жарима тўлаш учун сарфласа керак, дейилади хабарда.
Изоҳ (0)