Футбол бўйича Ўзбекистон Олий лигасининг 14-туридан жой олган «Пахтакор» — «Насаф» ўйинида ваъда қилинганидек «Омадли мухлис» ютуқли ўйини ғолиблари аниқланди.
Унга кўра, супер ютуқ ҳисобланган Damas автомашинасини футбол кўриш учун ташриф буюрган аёл киши — Зарифа Исмоилова ютиб олди.
iPhone смартфонлари эса эркак мухлисларга насиб қилди. Бахтиёр Носиров, Азиз Ҳусанов, Адҳам Омонов ва Шуҳрат Тожибоев ўз уйига қимматбаҳо совға билан қайтадиган бўлди.
Учрашувни кузатиб борган «Дарё» ходимининг ишонтириб айтишича, танаффус вақтида ўтказилган «Омадли мухлис» шоуси якунига етгач, мухлисларнинг катта қисми стадионни тарк этиш ҳаракатига тушган ва ўйиннинг иккинчи қисмига қолмаган.
Изоҳ (0)