Тайвандаги электрон қурилмалар ишлаб чиқариш ҳамда лойиҳалаш компанияси — Wistron’нинг бош директори Роберт Хван iPhone 8 нинг нозик жиҳатлари ҳақида сўзлаб берди, деб хабар берди «Hi-Tech Mail.ru».
Унинг сўзларига кўра, iPhone 8 сув ўтказмаслик ҳамда симсиз қувват олиш каби янги функцияларга эга бўлишига қарамай, уни ишлаб чиқариш жараёни аввалги авлодларидан катта фарқ қилмайди.
Pocket Now’нинг ёзишича, iPhone’нинг келгуси учта авлоди (8, 7s ва 7s Plus) ҳам симсиз қувватланиш имкониятига эга бўладиган кўринади.
Таъкидлаш жоизки, шундоқ ҳам iPhone 7 ҳамда 7 Plus қурилмалари саёз чуқурликларда сувга қарши ҳимоя воситасига эга. Янги моделларда IP67 рейтинги 68 га қадар кўтарилиб, (1,5 метр чуқурликда 30 дақиқа) Samsung Galaxy S8 ҳамда LG G6 ҳимоя даражаларига мос келади.
Largan Precision компаниясининг маълум қилишича, янги модул объективи Foxconn буюртмасига асосан юзни 3D сканер қилиш имконияти билан жиҳозланади.
Изоҳ (0)