Бельгия ҳукумати ўзининг ҳарбий-ҳаво кучларини АҚШ бошчилигида Ироқ ҳамда Сурияда олиб борилаётган антитеррор коалициясидаги иштирокини 1 июлдан 31 декабрга қадар узайтириш қарорини қабул қилди. Бу ҳақда Belga нашрига таяниб, «Газета.ru» хабар берди.
Шу билан бирга, ИШИД террорчилик ташкилоти жангариларига қарши кечаётган операцияларда фойдаланилаётган F-16 қирувчи-бомбардимончи самолётлари олтитадан тўрттага қисқартирилади.
Ушбу самолётлар айни пайтда Иорданияда жойлашган.
Бельгия ҳарбий-ҳаво кучлари антитеррор коалицияга 2016 йилнинг июлида аъзо бўлган, коалицияга аъзоликни узайтириш мамлакат бюджетига 17 миллион еврога тушади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)