АҚШ Давлат департаменти жангарилар Тожикистонда терактлар тайёрлаши мумкинлиги ҳақида огоҳлантирди. Бу ҳақда «РИА Новости» хабар бермоқда.
«Гарчи охирги пайтларда уюшган террорчилик гуруҳлари Тожикистонда ҳужумлар уюштирмаган бўлса-да, уларнинг содир бўлиш хавфи 6-12 ой мобайнида ортиши мумкин», — дейилади хабарда.
Давлат департаментига кўра, Тожикистонда бўлиб турган АҚШ фуқаролари мазкур ҳужумларга нишон бўлиши мумкин. Шу сабабли америкаликларга Тожикистоннинг Афғонистон билан чегарасида айниқса ҳушёр бўлиш, аҳоли тиғиз жойлашган ҳудудларда қолиш, оломон тўпланган жойлардан ўзини олиб қочиш тавсия этилган.
Бунгача Давлат департаменти 2016 йил ноябри ва декабрида АҚШнинг Тожикистондаги элчихонаси маълумотларига таяниб, шундай огоҳлантириш эълон қилганди.
Изоҳ (0)