Facebook модераторлари дастурий таъминотдаги хато туфайли ижтимоий тармоқнинг террорчиликда гумонланаётган фойдаланувчиларига ўз шахсий маълумотларини ошкор этиб қўйиши мумкин эди. Бу ҳақда, The Guardian нашрига асосланиб, «ТАСС» хабар бермоқда.
Айтилишича, дастурий таъминотдаги хатолик туфайли 22 бўлимдаги мингдан ортиқ ходим жабр кўрган. Ушбу таъминот ёрдамида модераторлар тақиқланган контентни аниқлаб, ўчириб боради. Платформадан фойдаланиш қоидаларига мувофиқ, жинсий характердаги, нафрат қўзғатувчи ва террорни тарғиб қилувчи постинглар жойлаштириш тақиқланади.
Ходимларнинг қирқ нафари Facebook’нинг Дублиндаги террор тарғиботига қарши курашувчи бўлинмасида ишлайди. Улардан бири ИШИД билан боғлиқ етти нафар ўчирилган фойдаланувчи профилини кўргани туфайли Ирландияни тарк этишга мажбур бўлди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)