Artcool stylist кондиционери — дизайнга янгича нигоҳ

iF Design Аwард жаҳон мукофоти ғолиби LG Electronics компаниясидан Artcool stylist ноодатий кондиционери уй кондиционерлари туркумида янгиликка айланмоқда.

Artcool stylist кондиционери айнан дизайн туфайли исталган интерьер билан мос тушади. Олдинги панел юқори сифатли пластикдан қилинган, айланадаги ноёб безак оптик иллюзияни чақиради — худди устки қисм матодан тайёрлангандек тасаввур уйғотади. Ички блок нур диодли ёритиш корпусига эга. Фойдаланувчи кайфиятига қараб ёритишни созлаши ёки хона интерьерига мос рангни танлаши мумкин.

Artcool stylist кондиционерининг ички блоки 645 х 645 миллиметрлик такрорланмас тўртбурчак шаклга эга; унинг чуқурлиги атиги 121 мм, шунинг учун кондиционер девор чизиғидан деярли чиқмайди. У аввалги Artcool Gallery’дан қарийб 25 миллиметрга ингичка, бу эса, уни янада жозибалироқ қилади. Янги Artcool stylist — бу инверторли сплит-тизим бўлиб, совутиш (-15 °C’гача) ва иситиш (48 °C’гача) режимида ишлайди ҳамда LG’нинг Inverter V технологиясига эга инверторли компрессори туфайли сарфланаётган электр қувватини 60 фоизгача тежаш имконини беради.

Soft Airflow уч полосали функцияси ҳавони учта йўналиш бўйлаб бир хилда тақсимлайди ҳамда қулай ва табиий, бир текисдаги ҳаво юборишни таъминлайди. LG Artcool stylist жуда паст товушда ишлайди — шовқин даражаси атиги 19 dB’ни ташкил этади. Шу билан бирга, оддий инверторли бўлмаган кондиционерларга нисбатан камроқ энергия истеъмол қилади. LG компаниясининг патентланган энг илғор инверторли технологияси туфайли, бу премиум модель шовқинсиз, самарали ишлашни таъминлайди ва электр энергиясини тежайди.

Artcool stylist яна қулайроқ бўлиши учун масофадан туриб бошқаришнинг инновацион тизими билан жиҳозланган: 3,4 дюмли, жуда силлиқ ҳамда ажойиб дизайнга эга сенсорли дисплей. Инновацион ишланма махсус параметрларни тенг ва осонлик билан созлаш имконини беради, жумладан, нур диодли ёритишнинг ранг ва ёрқинлигини ҳам. Масофадан бошқариш пультидаги дисплей ишлаш режими, ҳарорат ва вақт каби фойдали маълумотларни кўрсатиб боради.

LG Artcool stylist кондиционерлари функциялари ҳақида кўпроқ маълумот олишни ва кондиционерни кўришни истаганлар Next СКМга келинг, бу ерда маслаҳатчи LG замонавий техникаси ҳақида барча маълумотни беради.

Реклама ҳуқуқи асосида