Пуэрто-Рико аҳолиси референдумда АҚШ таркибига 51-штат сифатида киришни ёқлаб овоз бериш орқали, оролнинг янги сиёсий мақомини белгилаб берди, деб ёзади «РИА Новости» овоз бериш якунларига таяниб.
Референдум натижаси конгресс қарори билан юридик жиҳатдан тасдиқланиши керак. АҚШ адлия вазирлиги овоз бериш ўтказилишини қўллаб-қувватламаган эди.
Референдумда Пуэрто-риколикларга оролнинг янги сиёсий мақомини танлаш таклиф қилинди ва уларга вариант тариқасида АҚШ штати, эркин қўшилган ҳудуд мақоми ёки «инкорпорация қилинмаган ташкилий ҳудуд» (оролнинг ҳозирги мақоми) мақоми берилди.
Референдум натижаларига кўра, овоз берганларнинг 97 фоиздан ортиғи АҚШга қўшилишни ёқлаб овоз берди, 1,5 фоизи эркин қўшилган ҳудуд мақомини ёқлаб чиқди ва атиги 1,32 фоизигина амалдаги мақомни сақлаб қолиш тарафдори бўлди. Овоз беришда сайловчиларнинг 23 фоизигина қатнашди.
Изоҳ (0)