Буюк Британиянинг Европа Иттифоқидан чиқиш масалалари бўйича вазир консерватор Дэвид Дэвис бўлиб ўтган сайловларни инқилобий деб атади. Сиёсатчи тегишли баёнотни ITV телеканали эфирида маълум қилди, деб ёзади «ТАСС».
«Бу анча кўпроқ инқилобий сайловлар — турли шаклдаги ўзгаришлар Шотландия, Англия шимолида кузатилмоқда», — дея таъкидлади вазир ва якуний хулосаларга келишга ҳозирча эрта эканлигини қўшимча қилди. У Консерватив партиянинг сайловлардаги мақсадларидан бири Brexit бўйича қарашларини ёқлашдан иборат эканлигини айтиб ўтди.
Ҳозирги пайтда 650 сайлов округидан ярмидан ортиғининг натижалари эълон қилинган. Лейбористлар улардан 198 тасида, консерваторлар эса 191 тасида ғалаба қозонган.
Изоҳ (0)