Расмий Душанбе 2018 йил охиригача Тожикистонда қурилаётган Роғун ГЭСининг бир йўла учта агрегати ишга туширилиши мумкинлигини маълум қилди. Ўзбекистон эса тўғоннинг қурилиши сувнинг ифлосланишига олиб келади, шунингдек, қишлоқ хўжалигига салбий таъсир кўрсатади, деган фикрда. «Евразия.Эксперт» нашри «Марказий Осиё сув-энергетика манбалари ва сувдан фойдаланиш муаммоларини тадқиқ қилиш институти» халқаро жамоатчилик фонди эксперти Зулфия Марат билан шу мавзуда суҳбатлашди.
У яқин қўшниларнинг ҳар қандай хавфсирашлари ва хавотирларига доим қулоқ тутилиши кераклиги, муҳокама қилиниб, охир-оқибат бартараф этилиши кераклигини айтди. «Эмомали Раҳмон ва Шавкат Мирзиёевнинг сўнгги учрашувлари музокараларнинг янги давраси бўлиб ўтишига умид бағишламоқда», — деди у.
«Йирик ГЭСларни минтақадаги яқин қўшнилар иштирокисиз қуриш фақат низо потенциалининг ўсишига олиб келади, бу турли экстремистик кучларнинг кучайиш эҳтимоли бор бўлган шароитларда ўта хавфли. Электр энергияси сотувидан тушадиган ҳеч қандай эҳтимолий даромад аҳил қўшничилик алоқалари ўрнини боса олмайди», — деди Зулфия Марат.
Эксперт фақат минтақадаги барча давлатлар молиявий кучларини бирлаштирсагина, Тожикистондаги Роғун ГЭСини ҳам, Қирғизистондаги Қамбарота ГЭСини ҳам қуриш муаммолари самарали ҳал қилиниши мумкинлигини айтди.
Изоҳ (0)