Дам олиш кунлари ижтимоий тармоқларда, жумладан, Facebook тармоғидаги ўзбек аудиторияси орасида ҳам «Аэрофлот 2 та билет совға қилади» («Аэрофлот дарит 2 билета» ёки Emirates — бу халқаро талқин) мазмунидаги «бепул билетларни ютиб оламиз» деб номланувчи сайтларга олиб борувчи кўплаб постлар пайдо бўлди деб хабар берди «Terabayt.uz».
«Аэрофлот» компанияси бу танловга алоқадор эмаслигини расман эълон қилди ва унинг сохта экани, компания фаолиятига оид барча маълумотларни www.aeroflot.ru сайтидан олиш мумкинлигини айтиб, барчани бу каби шубҳали ресурслардан эҳтиёт бўлишга чақирди.
Ушбу акцияда қатнашиш орқали фойдаланувчи ўзининг гаджетига ўта хавфли вирусни юқтириб олиши мумкин.
Вирус электрон қурилмага юқиб олгач, у қурилма тизимида ҳаракатлана бошлайди. Яъни, агар бу қурилма онлайн банкинг тизимига ёки бошқа халқаро тўловларга мўлжалланган тизимларга уланган бўлса, бу ерда банк ҳисоб рақамлари ёки электрон почта ва бошқа турдаги қимматли маълумотлар бўлиши мумкин. Хаккерлар ҳеч бўлмаганда фойдаланувчига оид маълумотларни, сурат ва видеоларни, электрон почта ва ижтимоий тармоқлардаги аккаунт маълумотларини халқаро миқёсидаги «маълумотларнинг қора бозори»да пуллаши мумкин..
Ҳимояланиш
Агар сиз бу тизимга кирган бўлсангиз, зудлик билан қурилмангиздаги тизимни антивирус ёрдамида тозаланг ва мобил ёки компьютер операцион тизимини янгилаб олинг.
Изоҳ (0)