Маниладаги меҳмонхона мажмуасига уюштирилган ҳужумдан сўнг, у ердан 34 кишининг жасади топилди, деб ёзади «РИА Новости». Бу ҳақда Reuters маҳаллий ОАВларга таяниб хабар берди.
Аввалроқ икки қурбон ва 50 нафар жабрланувчи ҳақида хабар қилинган эди.
Ўт ўчирувчилар маълумотларига кўра, қурбонларнинг кўпчилиги нафаси қайтишдан вафот этган.
Полиция маълум қилишича, милтиқ билан қуролланган ёвуз ниятли бир ўзи Resorts World Manila меҳмонхонасидаги казинони талашга уринган ва ўйин столларини ёқиб юборган, шундан сўнг муассасада ёнғин юзага келган.
Ҳужум қилган шахс эса ўз жонига қасд қилди.
Изоҳ (0)