Исроиллик дизайнер бир вақтнинг ўзида яҳудийлар ва араблар фойдаланиши мумкин бўлган алифбо яратди (видео)

Хайфалик дизайнер Лирон Лави Туркенич араб тилида ва ивритда сўзлашувчи одамлар ўқиши мумкин бўлган алифбони ўйлаб топди. Бу ҳақда Jerusalem Post’га таяниб, Daily Afisha хабар бермоқда.

Шаҳарда яҳудий ва араблар кўп яшаши, дизайнер эса фақат иврит тилини билиши сабабли унда алифбо яратиш фикри пайдо бўлди. Янги алифбо «араврит» номини олди.

Дизайнер лотин тилидаги сўзларни ўқиш учун ҳарфнинг ярмини кўриш етарли эканлигини англагач, янги тизим яратиш фикри пайдо бўлди. Араб тили учун ҳам айнан шу усул қўлланилган. Ушбу техникани ивритда қўллаб кўрган Туркенич уни ҳарфнинг пастки қисмини кўриб ўқиш мумкинлигини тушуниб етди.

У янги алифбода сўзларни ҳосил қилиш тамойилини видеода намойиш қилди. Янги алифбода 638 та белги бўлиб, улар бир вақтнинг ўзида икки тилда сўзлашувчилар учун ҳам тушунарли.