Смоленск яқинида ҳалок бўлган польшалик генерал қабридан 4 кишининг жасади топилди

Польшалик генерал Влодзимеж Поташчинский эксгумацияси давомида тўрт кишининг жасади топилди. Генерал президентга қарашли Ту-154 самолёти 2010 йилда ҳалокатга учраган пайтда мамлакат Қуролли кучлари махсус қўшинлари қўмондони эди. Бу ҳақда Факт нашри хабар берди, маълумотларни Поташчинскийнинг қизи ҳам тасдиқлаган, деб ёзади «MK.ru».

Мазкур ҳолат юзасидан Польша Бош прокуратураси баёнот билан чиқиш қилиши таъкидланмоқда.

Аввалроқ генерал Борислав Квятоковскийнинг эксгумацияси чоғида етти кишининг жасади топилган эди.

Президент Лех Качинскийнинг Ту-154 самолёти 2010 йилда Смоленск яқинида қўнишга уриниш давомида ҳалокатга учраган эди. Ҳаво кемаси бортидаги 96 кишининг барчаси ҳалок бўлган.