Лола Каримова-Тиллаева Ислом Каримов номи берилган Москва марказидаги хиёбон ва ҳайкал лойиҳасини шаҳар бошқарув идораларига тақдим этиш учун ижодий гуруҳ билан Россия пойтахтига келганини маълум қилди.
«Бу лойиҳа устида иш олиб бориш биз учун жуда катта шараф ва масъулиятдир. Мазкур хиёбон шаҳарнинг чиройли жойларидан бири бўлиб қолишини истаймиз. Шу сабабли ушбу лойиҳа устида иш олиб боришга Лондоннинг чинаккам безаги бўлмиш ‘Британия учун жанғ монументал иншооти, Қиролича-она ҳайкали ҳамда Лондоннинг Сент-Панкрас станциясидаги ‘Учрашув жойи’ бронза ҳайкалини яратган англиялик машҳур ҳайкалтарош Пол Дэйни таклиф этдик.
Унинг сўнгги санъат асари — ‘Ироқ ва Афғонистондаги урушлар’ мемориал ёдгорлиги 2017 йилнинг март ойида Буюк Британия қироличаси Елизавета II томонидан тантанали очилган», — дейилади Лола Каримова-Тиллаеванинг Facebook’даги саҳифасида.
Лола Каримова-Тиллаева мазкур лойиҳада иштирок этаётган барча инсонларга ўз миннатдорчилигини изҳор этди.
Суратларда Татьяна Каримова, Лола Каримова-Тиллаева, ҳайкалтарош Пол Дэй ҳамда ишчи гуруҳ аъзоларининг Москва расмийлари билан учрашуви ва Пол Дэй томонидан яратилган Лондондаги ёдгорлик акс этган.
Изоҳ (0)