Ўзбекистон ички ишлар вазири генерал-майор Абдусалом Азизов ва Россия ички ишлар вазири, полиция генерали Владимир Колокольцев 2017—2018 йилларга мўлжалланган ўзаро ҳамкорлик тўғрисидаги протоколни имзолади. Бу ҳақда «Газета.uz» хабар бермоқда.
Имзолаш маросими Тошкентда, Россия ички ишлар вазирининг Ўзбекистонга ишчи ташрифи доирасида бўлиб ўтди.
Абдусалом Азизов ва Владимир Колокольцев ҳамкорликнинг устувор йўналишлари, хусусан, терроризм, экстремизм, ноқонуний миграция ва қидирув соҳасида маълумот алмашинув ҳолати ва истиқболларини муҳокама қилди.
Владимира Колокольцев икки ишчи қўшма гуруҳ — ноқонуний миграцияга қарши кураш ва меҳнат муҳожирлари ҳуқуқларини ҳимоя қилиш гуруҳлари ишини янада фаоллаштириш зарурлигини таъкидлади.
Россия ички ишлар вазирлигининг Ўзбекистонда ваколатхонасини очиш, аҳолини унинг фаолияти ҳақида кенг хабардор қилиш масаласига алоҳида эътибор қаратилди.
Изоҳ (0)