Фото: Ўзбекистон ва АҚШ президентларининг барча учрашувлари
Ўзбекистон Президенти Шавкат Мирзиёев 21 май куни Саудия Арабистонида АҚШ президенти Дональд Трамп билан учрашди. Бу Ўзбекистон ва АҚШ давлат раҳбарларининг сўнгги 15 йилдаги илк юзма-юз учрашуви бўлди. Бунгача Ўзбекистоннинг Биринчи Президенти Ислом Каримов АҚШнинг икки президенти билан учрашган эди.
Биринчи учрашув. 1996 йил, 25 июнь
Фото: Getty ImagesЎзбекистон Биринчи Президенти Ислом Каримов 1996 йилнинг 23—28 июнь кунлари ташриф билан АҚШда бўлган. Ташриф давомида Ўзбекистоннинг АҚШдаги элчихонаси очилиш маросими бўлиб ўтган, шунингдек, Президент бошчилигидаги Ўзбекистон делегацияси Техас ва Колорадо штатларида ҳам музокаралар олиб борган. 25 июнь куни эса Ислом Каримов Оқ уйда АҚШнинг ўша вақтдаги президенти Билл Клинтон билан учрашган.
Иккинчи учрашув. 2002 йил, 14 март
Фото: Getty ImagesИслом Каримов 2002 йилнинг 11—14 март кунлари расмий ташриф билан Америкада бўлди ва 12 март куни Оқ уйда АҚШ президенти кичик Жорж Буш билан учрашди. «Ислом Каримов Оқ уйда АҚШ президенти ва ҳукумати аъзолари томонидан фахрий меҳмондек кутиб олинган эди», — деб ёзади Open Asia. Бу вақтга келиб АҚШнинг Афғонистонда 2001 йили бошлаган «террорчиликка қарши уруши» айни авж палласига чиққан, Ўзбекистон ўз ҳудудидаги базадан АҚШнинг фойдаланишига рухсат берган эди.
Учинчи учрашув. 2017 йил, 21 май
Фото: Шавкат Мирзиёев / Facebook
Ўзбекистон Президенти Шавкат Мирзиёев Араб-мусулмон мамлакатлари ва АҚШ саммити доирасида Ар-Риёдда АҚШ президенти Дональд Трамп билан учрашди. «Учрашувда Дональд Трамп Ўзбекистонда олиб борилаётган ислоҳотлар жараёнини юқори баҳолади», — дейилади ЎзА ахборотида.
Изоҳ (0)