2017 йил 20 май куни Ўзбекистон Республикаси Ташқи ишлар вазирлигида Хитой Халқ Республикасининг фавқулодда ва мухтор элчиси Сун Лицзе билан учрашув бўлиб ўтди, деб хабар берди вазирлик матбуот хизмати.
Суҳбат давомида Ўзбекистон Президенти Шавкат Мирзиёевнинг 2017 йил 11—15 май кунлари Хитой Халқ Республикасига давлат ташрифи, Ўзбекистон делегациясининг «Бир макон, бир йўл» халқаро форумидаги иштироки якунларига юқори баҳо берилди.
Олий даражадаги Ўзбекистон—Хитой музокаралари давлатлараро муносабатларнинг икки томонни қизиқтирган барча йўналишларида янги саҳифани очгани қайд этилди.
Учрашувда ХХР раиси Си Цзиньпин ва бошқа Хитой раҳбарлари билан Пекин шаҳрида ўтказилган музокаралар чоғида эришилган келишувларни босқичма-босқич амалга оширишнинг амалий жиҳатлари кўриб чиқилди.
Изоҳ (0)