Сингапурда ноодатий автомобиль дилерлик маркази очилди, у вендинг автомати (савдо автомати) тамойили бўйича қурилган, деб ёзади «Мотор». 15 қаватли иншоот 60 тагача машинани ўз ичига сиғдира олади.
Ноодатий шоу-рум Autobahn Motors фирмасига тегишли. Ишлаб чиқувчилар аниқлик киритишича, улар шу тариқа шаҳарнинг гавжум кўчаларида жойдан тўғри фойдаланмоқчи, шунингдек, ижодкорликларини намоён этмоқчи бўлган.
«Вендинг» гаражи асосан спорт ва суперкарлар, шунингдек, серҳашам моделлар ва турли классик автомобиллар билан тўлдирилган. Машиналардан бирортасини олиш учун уни тураргоҳ ёнидаги махсус сенсорли экрандан танлаш керак. Тизим машинани тахминан икки дақиқа ичида пастга тушириб беради.
Шунга ўхшаш «автомат» АҚШнинг Техас штатида ҳам 2016 йилда қурилган эди. Аммо у саккиз қаватли бўлиб, 30 та машинани сиғдира олган.
Изоҳ (0)