АҚШ Конгресси вакиллар палатасининг Демократлар партияси вакили бўлмиш аъзоси Эл Грин президент Дональд Трампга импичмент эълон қилиш таклифини берди. Бу ҳақда C-Span телеканали Twitter орқали хабар қилди.
«Америка Қўшма Штатлари президенти адолатга тўсқинлик қилгани учун унинг импичментига чақираман», — деди сиёсатчи.
Гриннинг сўзларига қараганда, у мазкур таклифни ўз манфаатлари йўлида илгари сурмаяпти.
«АҚШда ҳеч ким, шу жумладан президент ҳам қонундан устун тура олмайди», — деб тушунтирди ўз ғоясини депутат.
Эслатиб ўтамиз, Дональд Трамп унинг Россия билан алоқаларини тафтиш қилаётган ФҚБ директори Жеймс Комини ишдан бўшатиши жамоатчилик орасида кескин баҳсларга сабаб бўлди. Гриннинг таклифи ҳам шу баҳслар билан боғлиқдир.
Изоҳ (0)