Германиядаги Цуффенхаузен заводида Porsche 911 спорт автомобилининг миллионинчи нусхаси конвейердан чиқди. Бу ҳақда Luxurylaunches маълум қилди.
Махсус модификацияли автомобиль устида Porsche Exclusive бўлинмаси мутахассислари иш олиб борди. Машина кузови яшил рангга бўялди, салон табиий тери ва конструктор Фердинанд Поршега тегишли машинадаги каби тўрли мато билан жиҳозланди. Рулга қизил ёғочда ишлов берилган, приборлар панелига эса тартиб рақами қўйилган махсус ёрлиқ ўрнатилган.
Автомобиль 414 от кучига эга двигатель билан жиҳозланган Carrera S купеси базасида яратилди, соатига 100 километр тезликка 4 сонияда чиқади.
Porsche 911 автомобили 1964 йилдан бери ишлаб чиқарилади. 911 индекси дастлаб моделнинг турли авлодларини доимий тарзда белгилаш учун мўлжалланмаган бўлса ҳам, биринчи автомобилнинг тижорий муваффақиятидан сўнг номдаги рақамни қолдиришга қарор қилинди.
Изоҳ (0)