Дунёдаги 14 та энг хавфли йўл (фотогалерея)

AdMe дунёнинг кўнгилочар истироҳат боғларидаги ҳар қандай қўрқинчли аттракционларни ортда қолдирувчи тасаввурга сиғмайдиган йўллари билан таништирди.

Гуолян туннели, Хитой

1970 йилларда Гуолян қишлоғи аҳолиси ўз кучи билан ушбу туннелни қазиди ва фақат қўл асбобларидан фойдаланиб, ундан «дарча»лар очди.

Рельслар устида жойлашган Меклонг бозори, Таиланд

Поезд овози эшитилиши билан, савдогарлар сониялар ичида маҳсулотларини четга олади, соябонларни ёпиб, 15 км/соат тезлигида ҳаракатланаётган поездни ўтказиб юборади.

Юнгас-роуд, Боливия

Денгиз сатҳидан 3300 метр баландликдан 360 метр баландликкача тушган йўл кўплаб эгри чизиларни ҳосил қилади. Йўл жуда тор бўлса-да, у орқали ҳатто юк машиналари ҳам ҳаракатланади.

Эйр шоссеси, Австралия

Австралияда жойлашган 1660 километрлик ушбу шосседа жуда кўп ҳалокатлар содир бўлади. Сабаби эса жуда оддий: бу ерда манзаралар шунчалик бир хил ва зерикарлики, ҳайдовчилар машина бошқараётиб ухлаб қолади.

«Иблис бурни» темир йўли, Эквадор

«Иблис бурни» темир йўли 800 метр баландликка кўтарилган шу номли қояда жойлашган. Шу пайтгача сайёҳларга бу ерда қатнайдиган вагонлар томида кетишга рухсат берилар эди, бугунги кунда эса бу тақиқланган.

Памбан темир йўл кўприги, Ҳиндистон

1964 йилда кўприк кучли шамоллар натижасида вайрон бўлган, шу туфайли, шамол тезлиги 55 км/соатдан ошган вақтларда бу ердан ўтаётган поездларга эҳтимолий хавф ҳақида огоҳлантирувчи сигнал берилади.

Қорақурум шоссеси, Покистон—Хитой

Баъзи ҳудудлари 4600 метр баландликкача чиқадиган 1300 километрли Қорақурум шоссеси ёзда ёмғирлар туфайли ер кўчкиларига мойил бўлади, қишда эса об-ҳаво шароитлари ва қор кўчиши хавфлари туфайли шоссе бутунлай ёпилади.

Пассаж дю Гуа, Франция

Сув кўтарилган пайтда йўл 4 метр сув тагида қолади, икки кеча-кундуздан сўнггина яна ҳаракатланиш учун очилади.

Лех-Манали шоссеси, Ҳиндистон

Жуда тор йўл 4—5 км баландликдаги бир нечта баланд тоғ довонларидан ўтади.

Тяньмэнь тоғидаги йўл, Хитой

99 та муюлишдан иборат 11 километрли йўл Тяньмэнь тоғи чўққисида жойлашган будда ибодатхонасига олиб боради. Баъзи жойларда муюлишлар орасидаги масофа 200 метрдан ҳам кам, шу туфайли ҳайдовчилар ўта диққатли бўлиши керак.