Финалга чиққан 9 ўзбекистонлик боксчининг 4 нафари бугун олтин медаль учун жанг қилади

Тошкентда давом этаётган бокс бўйича Осиё чемпионатида бугун — 6 май куни ўзбекистонлик тўрт боксчи финал жангида рингга чиқади.

Ҳал қилувчи беллашувга қадар кетма-кет уч рақибини нокаут этган Мурод Аҳмадалиев «Ўзбекистон» спорт мажмуаси аренасига 14:30 да чиқиб келади.

Шундан кейин яна уч нафар ўзбекистонлик Ҳиндистон, Жанубий Корея ва Қозоғистон спортчиларига қарши рингга тушади.

18:45 да Санжар Турсунов Жаҳон чемпионати йўлланмаси учун рингга чиқади. У чорак финалда Олимпиада совриндори бўлган қозоғистонлик рақибига имкониятни бой бериб, қолган 9 ўзбекистонлик шеригидан ажралиб қолганди. Энди унда Германиядаги мундиал учун сўнгги имконият бор.

6 май кунги жанглар

Финаллар-56 кг: Мурод Аҳмадалиев — Жиавеи Жанг (Хитой) — 14:30-60 кг: Элнур Абдураимов — Шива Тапа (Ҳиндистон) — 15:10-75 кг: Исроил Мадримов — Донг Юн Ли (Жанубий Корея) — 16:00-81 кг: Бектемир Мелиқўзиев — Ерик Алжанов (Қозоғистон) — 18:30

Плей-офф-91 кг: Санжар Турсунов — Салар Ғуломий (Эрон) — 18:45