Швециянинг жаҳон шаҳарлари бўйлаб виртуал турлар яратиш билан шуғулланидиган SceneThere стартапи Пхеньян бўйлаб турни ишга туширди. КХДР пойтахтида VR-кўзойнаклар ёрдамида «бўлиш» мумкин, бунда томошабиннинг ўзи саёҳат йўналишини танлайди, деб хабар беради TJournal.
Компания бош директори Маркус Олссоннинг ҳикоя қилишича, бу лойиҳанинг асосий устунликларидан бири ҳисобланади. Виртуал саёҳатчи бунда шаҳарни ўз темпида, худди ўша ерда бўлиб турганидек кузатиши мумкин.
Олссоннинг таъкидлашича, у Пхеньянни осонлик билан 360 даражали камераларда суратга туширишнинг уддасидан чиққан. Унинг сўзларига қараганда, у КХДРга ўқитувчи сифатида таклиф этилгани боис журналистлардан кўра кўпроқ нарса суратга олишга эришган.
Аммо айрим нашрлар журналистлари ушбу тур, аксинча, КХДР пропагандаси қуроли бўлиши мумкинлигини тахмин қилмоқда.
Бундай фикрни Жанубий Кореянинг Пусан миллий университети сиёсацҳунослик профессори Роберт Келли илгари сурди. Унинг тушунтиришича, Шимолий Корея ҳукумати туристларни жалб қилиш мақсадида шу каби технологиялардан фойдаланиши мумкин.
Шу билан бирга, виртуал турни кўрган Келли у Пхеньян ҳақиқий акс эттиришини тан олди. Аммо профессор Шимолий Корея ҳақида унинг пойтахтига қараб фикр билдириш нотўғри бўлишини таъкидлаб ўтди.
Келлининг таъкидлашича, туристмисиз, олиммисиз, КХДРда экансиз, режим сизни кузатади ва керакли нарсани кўришга мажбур этади.
«Аммо бу ҳеч нарса кўрмагандан кўра яхшироқ», — хулоса қилди сиёсацҳунос.
Изоҳ (0)