Ўзбекистон Биринчи Президенти Ислом Каримов ҳайкалини яратиш учун ҳайкалтарошлар ўз ижодий мутахассислигига қараб, гуруҳга бирлашиши мумкин. Бу ҳақда «Газета.uz» Бадиий академияга таяниб хабар бермоқда.
Тошкент, Самарқанд ва Қаршида айнан қандай ҳайкаллар ўрнатилиши ва улар бир хил бўлиш-бўлмаслиги ҳозирча хабар берилмаяпти. Ушбу масалага ҳайкални ясаш учун давлат буюртмаси келиб тушгач, аниқлик киритилади.
Эслатиб ўтамиз, аввалроқ Ислом Каримов ҳайкалини яратиш бўйича халқаро танлов ғолиблари аниқланган эди. Танловда кўпчилик овоз билан ҳайкалтарош Илҳом Жабборов ғолиб чиқди. Иккинчи ўрин ёш ҳайкалтарош Жасванд Анназаровга, учинчи ўрин эса Тўлаган Тожихўжаевга насиб этди.
Илҳом Жабборов — Тошкентдаги Мустақиллик майдонига ўрнатилган Мустақиллик ва эзгулик монументи ҳамда пойтахт марказидаги Амир Темур ҳайкали муаллифи.
Изоҳ (0)