Япониянинг Mitsubishi компанияси Хитойда ўзининг илк двигателлар ишлаб чиқариш корхонасини қуришни режалаштирмоқда. Бу ҳақда «ТАСС» хабар берди.
Мазкур двигателлар Хитойдаги Mitsubishi ва Guangzhou Automobile Group (GAC) қўшма корхонасида ишлаб чиқарилаётган Outlander кроссоверларига ўрнатилади.
Лойиҳа қиймати 10 миллиард иена (92 миллион доллар) баҳоланаётган завод қурилиши жорий йил Хунань провинциясида бошланади, унинг қуввати эса йилига 150 минг двигателни ташкил этади. Бунинг ҳисобига компания Хитой бозоридаги иштирокини мустаҳкамлаш ва двигателларни Япониядан етказиб келиш билан боғлиқ харажатларни қисқартириш ниятида.
Экспертлар тахминига кўра, 2020 йилга келиб Хитойда янги автомобиллар сотуви ҳозиргига нисбатан 10 фоизга ошади ва 30 миллиондан ошиқни ташкил этади. Бозордаги салмоқли улушга эса кроссоверлар эга бўлади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)