Евроиттифоқ Туркиянинг тузилмага аъзо бўлиб кириши бўйича музокараларга чек қўйиши лозим. Бу ҳақда Германиянинг Бавария федерал ери ички ишлар вазири Йоахим Херман Bild am Sonntag газетасига берган интервьюсида маълум қилди, дея хабар беради «ТАСС».
«Туркиянинг Евроиттифоққа аъзолигига доим мутлақо қарши бўлиб келганман. Евроиттифоқ учун Туркиянинг тузилмага кириши ҳақидаги музокараларга чек қўйиш вақти келди. Танаффус олиш ёки вақтинча тўхтатиш эмас! Ялтоқланишни бас қилиш зарур: Евроиттифоқнинг Эрдўғон бошчилигидаги Туркия билан умумий истиқболлари йўқ», — таъкидлади Йоахим Херман.
Маълумот учун, Германиянинг Die Welt нашри Евроиттифоқ Туркиянинг тузилмага аъзо бўлиб кириши ҳақидаги музокараларни вақтинча тўхтатиш масаласини муҳокама қилишни режалаштираётганини билдирганди.
Изоҳ (0)