АҚШ президенти Дональд Трамп Колумбиянинг икки собиқ президентлари — Альваро Урибе ва Андрес Пастрана билан махфий тарзда учрашди, дея хабар бермоқда «Газета.ru» Miami Herald’га таяниб.
Учрашув ўтган дам олиш кунлари Трампнинг Флоридадаги Мар-а-Лаго қароргоҳида бўлиб ўтган. У ҳақдаги ахборот Америка президенти иш жадвалида бўлмаган ва у ҳақда Трамп билан биргаликда унинг қароргоҳига борган журналистларга хабар берилмаган.
Газета Колумбия ОАВларига асосланиб ёзишича, учрашувни республикачи сенатор Марко Рубио ташкиллаштирган.
Таъкидланишича, Оқ уй расмий вакили Шон Спайсер дастлаб учрашув ҳақидаги саволларга жавоб беришдан бош тортган, аммо кейинроқ учрашув бўлиб ўтганини тасдиқлаган, аммо унинг аҳамиятини пасайтиришга уринган.
Изоҳ (0)