Жорий йилнинг 7 январь санасидан 8 январь кунига ўтар кечаси Сирдарё вилояти Гулистон шаҳар Носир Зокиров кўчасида жойлашган дўконларнинг бирида ўғирликка тушган фуқаро тунги йўналиш милиция хизмати вакиллари томонидан қўлга олинди, деб хабар берди Ички ишлар матбуот хизмати.
Гулистон шаҳар ИИБ ҳузуридаги туманлараро Қўриқлаш бўлими милиционерлари кичик сержант Ж.Аббосов ҳамда сафдор О.Абдуллаэвлар хизмат вақтида соат 05:35 ларда йўналиш милицияси қўриғидаги 335-сонли дўконга номаълум шахс кирганлигини сезиб, ушбу дўконни кўздан кечирган.
Дўкон ичида 1998 йилда туғилган, ўзбек миллатига мансуб Н.Х исмли шахс 40 дона ҳар хил турдаги янги уяли телефон аппаратлари, 1 дона касса аппарати ҳамда 1 дона компьютернинг электр таъминот блоки, жами 6 миллион сўмлик буюмларни ўғирлаб кетмоқчи бўлган вақтида қўлга олинган ва Гулистон шаҳар ИИБга топширилган.
Мазкур ҳолат юзасидан Гулистон шаҳар ИИБ Тергов бўлими томонидан Ўзбекистон Республикаси Жиноят Кодексининг 169-моддаси 2-қисми билан 20/10673-сонли жиноят иши қўзғатилиб, «тилхат» эҳтиёт чораси қўлланилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)