Венесуэла ҳукумати 19 апрель, чоршанба куни куни ўтказилиши мўлжалланган оммавий намойишлар хавфсизлигини таъминлаши зарур. Аргентина, Бразилия, Гватемала, Гондурас, Колумбия, Коста-Рика, Мексика, Перу, Парагвай, Уругвай ва Чили ҳукуматларининг қўшма баёнотида шу ҳақда сўз борди, дея хабар беради «ТАСС».
«19 апрель куни ҳам расмийлар тарафдорлари, ҳам мухолифат томонидан намойишлар ўтказилиши эълон қилинганини ҳисобга олиб, Венесуэла ҳукуматини конституцияда кўзда тутилган тинч намойишлар ҳуқуқини кафолатлаш ва намойишчиларга нисбатан зўравонлик ишлатмасликка чақирамиз», — дейилади ҳужжатда.
Лотин Америкаси давлатлари ҳукуматлари норозилик акцияларининг 6 нафар қатнашчиси ҳалок бўлганини қоралади. Мамлакат расмийларини «Венесуэла бошидан кечираётган ва минтақада хавотир уйғотаётган оғир тангликни ҳал этиш» учун сайловлар ўтказиш муддатини белгилашга чақирди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)