Санкт-Петербург шимолида «Газель» ичидан нафас олмаётган Ўзбекистон фуқаролари топилди. Уларни маҳаллий аҳоли пайқаб қолган, деб хабар беради «1news.uz».
Маълум қилишларича, эркак шифохонага жойлаштирилган. Унга экзотоксик комага олиб келган номаълум модда орқали ўткир заҳарланиш ташхиси қўйилган. Жабрланганнинг аҳволи оғир, дея баҳоланмоқда.
Полициячилар «Газель» 15 апрель кечаси ўт олгани, двигатели баланд овозда ишлагани ҳақида сўзлаб берган гувоҳни топди. Гувоҳ эртаси куни эрталаб ҳам машина двигатели ишлаётганига эътибор қаратган. Автомобиль турган ҳовли атрофидаги уйда истиқомат қилувчилар машина эшигини очиб, двигателни ўчирган. Салонда эса бир нималар деб ғўлдираётган эркакка кўзлари тушган.
Полиция томонидан сўроқ қилинган фуқаро жабрланувчини маст деб ўйлагани ва салондаги аёлни пайқамай қолганини айтиб берди. Ҳаётдан кўз юмган 35 ёшли аёл ва 28 ёшли эркак Ўзбекистон фуқаролари эканлиги аниқланган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)