Ўзбекистондаги дипломатик корпус ва аккредитациядан ўтган халқаро ташкилотлар вакиллари Қорақалпоғистонга келди. Бу ҳақда «Газета.uz» хабар бермоқда.
Танишув сафари БМТнинг «Оролбоʻйи минтақаси учун инсон хавфсизлиги боʻйича коʻпшериклик фондини ташкил қилиш орқали Орол фожиасидан зарар коʻрган аҳолининг турмуш шароити салоҳиятини мустаҳкамлаш» Қўшма дастури ташаббуси билан ташкил этилди.
БМТнинг Ўзбекистондаги доимий вакили Стефан Приснер сафардан кўзда тутилган мақсад амалдаги ва эҳтимолий шерикларга маҳаллий аҳоли ҳаётини изга солишга қандай ҳисса қўшишлари мумкинлигини кўрсатишдан иборат эканлигини таъкидлади. Cафида Кувайт элчиси, Россия элчихонаси вакиллари ҳамда TIKA (Туркия) ва KOICA (Жанубий Корея) ташкилотлари вакиллари бўлган меҳмонлар мазкур глобал миқёсдаги муаммо ечимини излашга қизиқиш билдирди.
«Барча одамлар бу ерга келиши, занглаб ётган, ҳалокатга юз тутган кемаларни кўриши керак деб ўйлайман. Бу улар учун инсон табиат захираларидан ўйламай фойдаланиши қандай оқибатларга олиб келиши мумкинлиги ҳақида ўзига хос эслатма бўлиб хизмат қилади», — деди Стефан Приснер.
Сафар иштирокчилари БМТ Қўшма дастури биринчи босқичи доирасида қўллаб-қувватланган корхона ва ижтимоий объектлар фаолияти билан танишди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)