Жаҳон банки ва Ўзбекистон ҳукумати олий таълим тизимини модернизация қилиш лойиҳаси кредит келишувини имзолади. Бу ҳақда «Газета.uz» хабар бермоқда.
2017—2022 йилларга мўлжалланган лойиҳани амалга оширилиши учун Олий ва ўрта таълим вазирлиги масъул, Жаҳон банки эса техник жиҳатдан қўллаб-қувватлайди.
Лойиҳа доирасида олий таълим бошқарувининг ахборот тизими жорий этилиши, айрим ўқув юртларида илмий лабораториялар модернизацияси, миллий электрон кутубхона яратилиши, академик инновациялар танлов фондининг молиялаштирилиши кўзда тутилмоқда.
Кредит Жаҳон банки бўлинмаси — Тараққиёт халқаро ассоциацияси томонидан 25 йилга тақдим этилади. Ўзбекистон ҳукумати ўз маблағи ҳисобидан қўшимча шериклик ҳиссасини қўшади ва шу тариқа лойиҳанинг умумий қиймати 50 миллион долларни ташкил этади. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)