Афғонистон ҳукумати АҚШ ҳарбий хизматчилари томонидан ўзининг энг қудратли авиабомбаси — GBU-43/B Massive Ordnance Air Blast’ни қўллаш натижасида ИШИД террорчилик гуруҳининг 36 нафар жангарисини йўқ қилди. Бу ҳақда Reuters агентлиги хабар берди, деб ёзади «Газета.ru».
Куни кеча, 13 апрель куни CNN телеканали АҚШ Афғонистонга МС-130 самолётидан «барча бомбаларнинг онаси» ташланганлигини маълум қилган эди. Бунда ИШИД жангариларининг туннели нишонга олинган.
Ўз навбатида, Америка махсус хизмати собиқ ходими Эдвард Сноуден бомба ташланган туннелни қуришни АҚШ молиялаштирганлигини маълум қилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)