АҚШ разведкаси Сурия қуролли кучлари вакиллари ва кимёвий қурол соҳасидаги экспертлар Идлиб вилоятида зарин газидан фойдаланган ҳолда ҳужум уюштиришга тайёргарликни муҳокама қилган музокараларни қўлга киритган. Бу ҳақда АҚШ маъмуриятидаги манбаларга таяниб, CNN маълум қилди дея хабар беради «ТАСС».
Қўлга киритилган маълумотлар Қўшма Штатлар Сурия ва Ироқ каби давлатларда тўплайдиган улкан ҳажмдаги разведка маълумотларининг бир қисми эканлиги таъкидланмоқда.
Телеканалга кўра, Вашингтон кимёвий ҳужум тайёрланаётгани ҳақида олдиндан билмаган, чунки тўпланадиган маълумотлар ҳажми катталиги сабабли кўпинча батафсил кўриб чиқилмайди. Бироқ Идлиб вилоятида кимёвий қурол қўллангани ҳақида маълум бўлиши билан АҚШ дарров ўз ихтиёридаги манбаларни ҳужумга қўл урганларни аниқлаш мақсадида ўрганишга киришди.
CNN АҚШ расмийлари кимёвий қурол қўлланиши ортида Башар Асад назоратидаги кучлар турганлигига «шубҳа қилмаётганлиги»ни билдирди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)