Туркия фуқароси Ҳусайн А. суд ундан айбловларни олиб ташлаганидан кейин қамоқда ўтказган 11 йил вақт учун товон пули сифатида тўққиз лира (уч доллардан камроқ)га эга бўлди, деб ёзади «РИА Новости».
Эркак 1980 йил майида сўл радикал Dev-Sol гуруҳи аъзоси сифатида ҳибсга олинган ва қамоққа ҳукм этилган. 11 йил-у икки ойдан сўнг уни 13 та банддан иборат айбловлар бўйича оқлашди. Ундан, шу жумладан, қотиллик, конституциявий тузумни куч билан ўзгартиришга уриниш ва ҳужжатларни сохталаштириш айбловлари олиб ташланди.
Собиқ маҳбус товон пули ҳақида даъво берди. У унга 1,2 миллион лира (330 минг доллар) тўланишини талаб қилди. Унга 8,78 миллион лира товон пули белгилашди. Аммо 2005 йилда Туркия миллий валютаси деноминация қилинганидан сўнг (купюралардан олтита нолни олиб ташлашди) сумма тўққиз лирагача камайиб қолди.
Изоҳ (0)