Ўзбекистонда Groundzero деб номланган илк коворкинг фаолиятини бошлайди

Ўзбекистонда Groundzero деб номланган илк коворкинг фаолиятини бошлайди. Унинг очилиши 8 апрель куни Тошкент шаҳридаги Техноплаза бизнес-марказида бўлиб ўтади. Бу ҳақда «Дарё»га тадбир ташкилотчилари маълум қилди.

Янги лойиҳа Groundzero деб номланди. У ҳисобнинг илк нуқтаси, янгиликнинг бошланиши, старт, туртки, трамплин маъноларини англатади. Бу ном янги лойиҳа миссиясини ўзида ифода этади. 

Очилиш муҳокамалар сессияси шаклида ўтказилиши сабабли меҳмонлар лойиҳанинг ғояси қандай пайдо бўлгани, Ўзбекистон жамоатчилиги учун нимаси билан қизиқ ва фойдали бўлиши ҳақида маълумотга эга бўлади.

Ҳар бири алоҳида алоҳида йўналишдаги 3 та сессия ташкил этилади. «Groundzero лойиҳасининг туғилиши. Хатолар ва дарслар» номли биринчи сессия иштирокчиларга меъмор Улуғбек Холмуродов, «Безлого» креатив агентлигидан Денис Алешенко ва CaryCake қаҳвахонасидан ўз лойиҳаси билан қатнашган Карина Мартиросян каби иқтидорли мутахассисларнинг бўлажак лойиҳаларини амалга оширишга қандай ҳисса қўшганликлари ҳақида билиб олиш имконини берди.

Иккинчи сессияда «Тадбиркорликнинг экотизимини яратиш ва бу йўлдаги чақириқлар» муҳокама қилинди. Бугунги кунда нафақат бизнесни ривожлантириш йўлидаги муваффақиятлар ҳақида билиш, шу билан бирга, муваффақиятлар йўлида тўсиқ бўладиган хатоларни қилмаслик ҳам лозим. Шу учун ҳам Тошкентдаги TЧК асосчилари номидан Анастасия Ли ва Алишер Сейтниязовларнинг иккинчи муҳокама меҳмонлари бўлиши бежиз эмас. «Brand.uz» компанияси асосчиси ва Startupmix’нинг барча лойиҳалари ишқибози Алишер Юсупов асосий меҳмонга айланади.

Ниҳоят, якуний муҳокама – «Маблағни қандай сарфлаш» дастлабки икки муҳокаманинг мантиқий давомига айланади. Ушбу сессия доирасида стартапларни инвестиция қилиш ва сармоядорларни кутиш имкониятлари кўриб чиқилади. Сармоядорларни жалб қилиш ва мақсад қилинган йўлни қисқартириш ва бошқа кўплаб масалалар ҳақида Анвар Ирчаев, Зафар Ҳошимов, Акмал Пайзиев, Қодир Норов ва Нодира Воҳидовадан эшитасиз.

Тадбир якунида барчага лойиҳани ривожлантиришда янги саҳифа – «Бизнес Лабораторияси» лойиҳасидан кутилмаган ажойиб совға тақдим этилади. «Бизнес Лабораторияси» Groundzero коворкингида суратга тушади ва суратларнинг янада инновацияли шаклига эга бўлади. Меъмор Улуғбек Холмуродов янги шаклнинг биринчи меҳмонига айланади.

«Дарё»нинг Telegram’даги расмий канали — @toshqindaryo’га аъзо бўлинг!