Қозоғистон президенти Нурсултон Назарбоев Шанхай ҳамкорлик ташкилоти хавфсизлик кенгаши котибларининг 12-учрашувида иштирок этиш учун Остонага келган делегациялар раҳбарларини қабул қилди. Бу ҳақда Kazakhstan Today хабар бермоқда.
Нурсултон Назарбоев мазкур учрашувнинг жорий йил июнь ойида Остонада ўтказиладиган ШҲТ саммити олдидан ўтказилиши аҳамиятига тўхталди. Ташкилот олдида турган айрим муҳим вазифаларга эътибор қаратди.
«Тузилмага аъзо давлатларнинг келишилган ҳолдаги ҳаракатлари муҳим. Ҳозирда ШҲТнинг экстремизмга қарши туриш бўйича Конвенцияси ва халқаро терроризмга биргаликда қарши туриш бўйича ШҲТ Баёноти кўриб чиқилмоқда. Мазкур ҳужжатлар келишувини қисқа муддатларда якунлаш лозим», — дея таъкидлади Қозоғистон президенти.
Нурсултон Назарбоев ШҲТ Остона саммитида Ҳиндистон ва Покистонни тўлақонли аъзо сифатида тузилмага қабул қилиниши режалаштирилаётгани маълум қилиб, бу Осиёда ҳамкорликни мустаҳкамлаш учун қўшимча туртки беришига умид билдирди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)